لاہور (24 دسمبر 2013ء) پاکستان مسلم لیگ کے صدر سینیٹر چودھری شجاعت حسین، سینئر مرکزی رہنما و سابق نائب وزیراعظم چودھری پرویزالٰہی اور مونس الٰہی نے کہا ہے کہ آج ہر پاکستانی کو اسی جذبہ اور عمل کا مظاہرہ کرنا ہو گا جو بانی پاکستان کی قیادت میں تحریک پاکستان کے دوران سامنے آیا تھا جس کے نتیجہ میں صرف سات سال کی جدوجہد کے بعد دنیا کی سب سے بڑی اسلامی مملکت قائم ہوگئی تھی۔ انہوں نے کرسمس پر مسیحی بھائیوں کو بھی دلی مبارکباد دیتے ہوئے کہا کہ ان کی جماعت پاکستان مسلم لیگ نبی آخر الزماں حضرت محمد مصطفی ﷺ کے بتائے گئے اصولوں اور بانی پاکستان کے فرمودات کے مطابق مسیحی اور دیگر اقلیتوں کے حقوق کا مکمل تحفظ کرتی رہے گی۔
تینوں قائدین نے اپنے پیغامات تہنیت میں کہا کہ وطن عزیز کو آج ہر طرف سے خطرات لاحق ہیں، ان حالات میں ہم میں سے ہر ایک کا فرض ہے کہ وہ پاکستان کی سلامتی اور یکجہتی کو اولیت دے، ہمیں یہ نہیں بھولنا چاہئے کہ ماؤں، بہنوں، بیٹیوں، جوانوں اور بزرگوں کی جان، مال و آبرو کی عظیم قربانیاں دینے کے بعد حاصل کیا گیا یہ ملک ہی ہم سب کے تحفظ اور عزت و آبرو کا ضامن ہے، ہمیں پاکستان سے محبت کرنے اور اسے نقصان پہنچانے والوں میں تمیز کرنا ہو گی، قائداعظمؒ کے خواب کی تکمیل اور پاکستان کی نظریاتی و جغرافیائی سرحدوں کے تحفظ کیلئے کسی بھی قربانی سے دریغ نہ کرنے کا عہد کرنا ہو گا۔
انہوں نے کہا کہ پاکستان کی سلامتی کے علاوہ ترقی میں بھی مسیحی بھائیوں اور دیگر اقلیتوں کا کردار نہایت اہم ہے۔ انہوں نے امید ظاہر کی کہ مسیحی بھائی کرسمس پر پاکستان کی سلامتی، استحکام اور خوشحالی کیلئے خصوصی دعائیں کریں گے۔ انہوں نے کہا کہ اقلیتوں کی فلاح و بہبود کیلئے خصوصی اقدامات پاکستان مسلم لیگ کے ایجنڈے میں شامل ہیں اور وہ ان پر عملدرآمد کیلئے کوششیں جاری رکھے گی جیسا کہ اس نے اپنی حکومت کے دوران مشنری اداروں کی واپسی، دہرے ووٹ کے حق، ملازمتوں کیلئے دگنا کوٹہ اور ریکارڈ ترقیاتی فنڈز کی فراہمی جیسے تاریخی اقدامات کیے
No comments:
Post a Comment